Les protectores d'animales de Xixón soliciten axilizar les obres de la futura perrera

La parcela asitiada en Tremañes meyoraría la comunicación y la cercanía colos animales

Les protectores d’animales de Xixón denuncien les males condiciones hixéniques que sufren nel albergue municipal de Serín y soliciten axilizar les obres de la futura perrera.

Un informe de la Conceyalía de Mediu Ambiente señala que la reforma del albergue municipal de Serín necesitaría una inversión de mediu millón d’euros pa garantizar unes condiciones dignes. Por esta razón, l’equipu de gobiernu apuesta por un espaciu que facilite la convivencia ciudadana con unes instalaciones de primer nivel y que se fomente’l voluntariáu.

L’Ayuntamientu ta a la espera d’afitar el procedimientu llegal que dexe resolver en pocos meses la calificación urbanística, de mou que se puea instalar un equipamientu d’estes característiques nesa parcela. Según los técnicos de Mediu Ambiente y Urbanismu, acordóse un compromisu presupuestariu de 500.000 euros pa la so construcción nos dos años vinientes.

Según los voluntarios, la parcela de 5.000 metros, asitiada en Tremañes, meyoraría la comunicación y la cercanía colos animales.