El Colexu Profesional d'Educadores Sociales defende la ufierta pública de trabayu del Principáu

Los educadores sociales insisten en que les places tienen que ser ocupaes por persones formaes y coles competencies afayadices pal puestu

El Colexu d’Educadores Sociales sofita la convocatoria pública de trabayu del Principáu, qu’esixe’l títulu universitariu d’Educador Social.

Los sindicatos manifestaren el so refugu a esti requisitu porque, aseguren, dexaría fuera del procesu a munchos de los trabayadores que dan serviciu anguaño y que cunten con gran esperiencia.

Los educadores sociales insisten en que les places tienen que ser ocupaes por persones formaes y coles competencies afayadices pal puestu. Aseguren tamién que nun habrá despidos masivos, porque’l procesu nun afectará a los trabayadores fixos.