Fuente: RTPA, 10 de xineru. 2025 11:29

Coxersa desanicia'l puntu llimpiu pa empreses d'Uviéu porque, asegura, yá nun tien capacidá

La decisión desata'l malestar nel grupu municipal socialista y n'Izquierda Xunida-Convocatoria por Asturies

Uviéu pierde'l so puntu llimpiu pa empreses nel polígonu Espíritu Santu. Coxersa prohibió nuevos vertíos porque, según el consorciu, yá nun tien capacidá.

Una decisión que desató'l malestar tanto nel grupu municipal socialista como n'Izquierda Xunida-Convocatoria por Asturies. Los socialistes responsabilicen al equipu de Gobiernu pola so parálisis, dicen, a la hora de crear nuevos puntos llimpios.

Del llau d'Izquierda Xunida, fálase de decisión unillateral y inaceptable de Coxersa, y píden-y que rectifique.