Colunga matiza a Hereu y asegura qu'Industria nun negociará con naide que nun seya Arcelor

Luis Ángel Colunga descarta que seya momentu d'abordar la nacionalización de la multinacional

El Ministeriu d’Industria nun negocia con naide que nun seya Arcelor Mittal pal caltenimientu de la siderurxa integral n’Asturies. Afirmólo nuna entrevista pa RPA l’hasta agora comisionáu pal Perte de la descarbonización.

Luis Ángel Colunga matizó asina les palabres del ministru Jordi Hereu pronunciaes en setiembre del añu pasáu n’Asturies, cuando dixo que la producción d’aceru puen liderala Arcelor o quien seya.

Colunga descartó que seya momentu d’abordar la nacionalización de la multinacional y aseguró qu’hai negociaciones avanzaes pa electrificar l’acería d’Avilés.