La Guardia Civil interpunxo 49 denuncies por carreres illegales nes navidaes

La collaboración de los vecinos, clave pa garantizar l'ésitu del operativu especial

La Guardia Civil interpunxo 49 denuncies nel operativu esplegáu nes navidaes en distintos puntos de la comunidá escontra les carreres illegales.

Según informó l'Institutu Armáu, los dispositivos tuvieron ente'l 28 d'avientu y el 6 de xineru nel polígonu de la Zalia y nos viales d'accesu al polígonu de Lluniego y al centru comercial Parque Principáu.

Nesti operativu participó personal especializáu de les distintes unidaes qu'integren el Sector de Tráficu y de Seguridá Ciudadana de la Guardia Civil d'Asturies, amás de les Policíes Locales de los respectivos conceyos.

El resultáu sáldase con un total de 49 denuncies formulaes por incumplimientu de la normativa vixente sobro Tráficu, Circulación de Vehículos a Motor y Seguridá Vial y practicáronse más de 700 pruebes d'alcohol y droga feches nos distintos puntos preventivos.

Estes actuaciones lleváronse alantre na nueche y madrugada en puntos susceptibles de la realización d'esti tipu d'actividaes.