Los criadores apuesten por un control sanitariu de los palombos xabaces

Los meyores palombos de la Península Ibérica, esti fin de selmana en Ribeseya

La colombofilia crez un 3% n'Asturies, unos datos similares a los del restu d'España. Precisamente, los meyores palombos de la Península Ibérica tán esti fin de selmana en Ribeseya. Los sos criadores apuesten por un control sanitariu de los palombos xabaces.

L'afición pola cría y adiestramientu de los palombos ta creciendo nel nuesu país. Anguaño, cuenta con 5.000 llicencies a nivel nacional, de les que 130 son asturianes.

Los sos criadores destaquen la importancia de controlar a los palombos xabaces pa evitar riesgos a la población.

Un total de 260 palombos d'ocho provincies españoles y de delles poblaciones portugueses tán esti fin de selmana en la capital ribeseyana. Les aves participaron nun concursu de guapura y d'altos vuelos.

Los palombos tán nel so tiempu de descansu, pero van volver a entamar el so vuelu a partir de febreru.