La Universidá d'Uviéu ufierta microcredenciales

La institución pondrá en marcha una ventena de títulos de formaciones de curtia duración

La Universidá d’Uviéu despliega la so formación más novedosa. Les llamaes microcredenciales o formaciones de curtia duración, sofitaes pola Xunión Europea.

Les microcredenciales existen dende 2022 pero dende’l 1 de febreru esta formación, la más particular qu’ufierta la Universidá d’Uviéu, entama’l so verdaderu despegue. L’emburrie ye cuasi un millón d’euros de fondos europeos pa diseñar y llanzar n’añu y mediu una ventena d’estos títulos reconocíos nos 27 Estaos miembros, asegura Susana Luque, vicerrectora de tresferencia y rellaciones cola empresa.

Son formaciones breves y capaciten pa destreces concretes que deciden les empreses. La Universidá d’Uviéu fixóse como meta emitir 1.200 certificaos d’esta triba. La intelixencia artificial acapara l’interés del texíu empresarial.

Tamién hai demanda de formación n’habilidaes tresversales como xestión de conflictos. La patronal sofita’l so impulsu porque piensa que nos años vinientes el 40% de los trabayadores necesitarán recualificase p’adaptase a los cambeos del mercáu llaboral.