Crisis nel Gobiernu d'Avilés cola salida de Podemos

Podemos sal del Gobiernu n'Avilés, que queda en minoría con PSOE y IX

Los conceyales de Podemos Sara Retuerto y David García abandonaron esti miércoles les sos responsabilidaes en Fiestes y Deportes, respectivamente, por diferencies cola remodelación del Gobiernu Local llevada alantre pola alcaldesa de la ciudá, Mariví Monteserín, qu’agora queda en minoría con 11 conceyales nuna corporación de 25.

Los ediles de Podemos Avilés dexen de formar parte del gobiernu municipal del que yeren miembros dempués del pactu algamáu al entamu del mandatu ente’l PSOE y Cambia Avilés, l’alianza que formen IX y la formación morada.

La conceyala de Cultura, Yolanda Alonso, asumió l’área de Fiestes, Noé Vega les competencies de Llicencies, y Juan Carlos Guerrero la Conceyalía de Deportes.