Asturies ganó 1.523 habitantes nel cuartu trimestre de 2024, el 0,15%

Un total de 1.014.112 persones viven nel Principáu

La población del Principáu d'Asturies aumentó nel cuartu trimestre del pasáu añu en 1.523 habitantes, lo qu'equival a un repique del 0,15 por cientu que se sofitó na medría de los nacíos nel estranxeru, lo qu'asitió'l total a 1 de xineru de 2025 en 1.014.112 persones, según los datos provisionales espublizaos esti xueves pol Institutu Nacional d'Estadística (INE).

La Estadística Continua de Población (ECP) reflexa qu'Asturies siguió col enclín al alza de la so población, yá que nos postreros once trimestres namás baxó nos tres primeros meses de 2024, cuando amenorgó en 438 persones

Esti enclín dexó que la población del Principáu medrara dende'l 1 d'abril de 2022 en 9.786 persones, un 1 por cientu.

Nel conxuntu del añu 2024, la población asturiana aumentó en 4.513 persones, un 0,44 por cientu, tamién pol tirón de la población nacida fuera d'España, qu'aumentó un 9,8 por cientu.