El presidente del Colexu de Médicos llamenta la falta d'altura de mires p'acordar una reforma del mapa sanitariu

Luis Antuña pide a les alministraciones una evaluación sobre la necesidá de facultativos n'Asturies

El presidente del Colexu de Médicos pide a les alministraciones una evaluación sobre la necesidá de facultativos n’Asturies p’actuar yá, porque la formación lleva una década. Na entrevista del Matinal, Luis Antuña llamentó la falta d’altura de mires p’acordar una reforma del mapa sanitariu.

Antuña entama un segundu mandatu al frente del Colexu de Médicos d’Asturies. Enantes de falar de si son afayadices les facultaes privaes de Medicina, pide facer una evaluación xeneral de les necesidaes a tres bandes: Colexu de Médicos, Principáu y Universidá.

Sobre les llistes d’espera, Antuña cree que ye un tema importante pa toos: burocracia, profesionales sanitarios y los pacientes con un usu responsable, sobre la reforma d’árees sanitaries, llamentó la falta d’altura de mires p’acordar una reforma del mapa sanitariu.

Amás, Antuña calificó de desastres los retrasos na ampliación del Hospital de Cabueñes que, amiesta, necesita esi área sanitaria.