La industria asturiana piensa caltener los niveles de trabayu, producción y pidíos

Sobre los precios el 60% de les empreses encuestaes confía en caltenelos y el 40% espera una medría

La industria asturiana piensa caltener nos meses vinientes los niveles de trabayu d’anguaño, producción y cartera de pidíos, según la última encuesta mensual fecha pola Sociedá Asturiana d’Estudios Económicos y Industriales (Sadei), correspondiente a febreru.

En llinia con meses anteriores, el 99 por cientu de les empreses consultaes espera caltener el trabayu y namás el 1 por cientu piensa nuna mengua, mientres que’l 99 por cientu piensa caltener la producción y el 1 por cientu inclusive medrala.

Amás, el 99 por cientu de les firmes industriales cree que caltendrá los niveles de pidíos y d’existencies de productos terminaos d’anguaño, y el 1 por cientu espera una medría nes dos variables.