Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
RTPA - Radiotelevisión del Principado de Asturias
Fuente: RTPA, 19 de mayu. 2022 19:08

'Tiempu de Lleendes', el primer videoxuegu n'asturianu

Videojuego en asturiano 'Tiempu de Lleendes'
'Tiempu de Lleendes', el primer videoxuegu n'asturianu

Adrián Carbayales ye un mozu filósofu que nun atopaba trabayu rellacionáu colos sos estudios

Adrián Carbayales ye un mozu filósofu que nun atopaba trabayu rellacionáu colos sos estudios. Les sos conocencies de llingua asturiana lleváronlu a la xera de traducción, con dellos llibros yá asoleyaos y dalgunu nel tinteru.

El confinamientu dexólu, como a munchos, ensin planes y con munchu tiempu. Buscando entretenimientu, atopó que nun podía xugar a un videoxuegu n'asturianu, porque nun esistía.

Güei, al traviés d'una campaña de crowfunding busca financiamientu pa sacar al mercáu 'Tiempu de Lleendes'.

Los meyores mecenes tienen dellos pagos como reconocencia nos creitos, y van ser amás los primeros n'esfrutar el productu final. Pa ellos, va tar disponible en payares.

El públicu polo xeneral va tener qu'esperar a les Navidaes pa poder metese nel papel de Xandria y vivir esti Tiempu de Lleendes.

banner publicidad

© 2024 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL