'Menos pantalles, más vida', campaña escontra l'adicción a les nueves tecnoloxíes

Educación convida a padres, families y docentes a implicase na iniciativa

'Menos pantalles, más vida' busca cavilgar sobre l'usu de les nueves tecnoloxíes y Internet y, sobre manera, sobre l'abusu de les aplicaciones móviles y de les redes sociales. La participación de los centros va ser voluntaria. Educación convida a padres, families y docentes a implicase.

La iniciativa ta dirixida a estudiantes de toles etapes educatives. Los estudiantes que participen tendrán qu'ellaborar a lo llargo del próximu curso microproyectos sobre cuatro grandes propuestes, que busquen alternatives al abusu de les aplicaciones y redes sociales. El primer bloque n'ochobre y payares titúlase, por exemplu, 'Salú y vida'.

Pel iviernu va abordase l'usu seguru de la tecnoloxía, en primavera, l'ociu saludable y a final de cursu, tecnoloxía, vida y familia. Va haber amás un tema xeneral pa tol cursu, como va ser el mundu en 20 años.

Los trabayos escoyíos van espublizase nes redes sociales de la Conseyería.​