'Volver al Pueblo' ayuda a buscar empléu y vivienda nes redolaes menos poblaes

L'oxetivu del proyectu ye afitar población y sensibilizar sobre la importancia d'entamar na zona rural

Sara López y la so pareya dexaron Madrid fai unes selmanes pa dir a Gras, una aldega de Villayón. Buscaben cambiar de vida y d'aires, dexar la gran ciudá y dir a la zona rural. Buscando per Internet atoparon el programa 'Volver al Pueblo', una iniciativa que pon a disposición de persones interesaes tierres, viviendes y oportunidaes llaborales.

En Gras atoparon trabayu y puen vivir pagando un arriendu fácil d'algamar. Ye unu de los 50 inmuebles, la mayoría municipales, que dellos consistorios de la contorna noroccidental punxeron a serviciu d'un proyectu qu'impulsa la Fundación Edes de Tapia dende 2018 y que nesta edición busca abrir tamién a otros inmuebles privaos.

L'oxetivu final ye afitar población y sensibilizar sobre la importancia d'entamar na zona rural. El proyectu 'Volver al Pueblo' ayudó a cerca de 1.000 persones dende 2018.