'Pravia ayuda', una iniciativa p'adelantar el dineru de les compres

Axunta a 28 establecimientos pravianos, zarraos dempués de les midíes decretaes pol estáu d'alarma

Adelantar el dineru de les compres que facemos más alantre ye la idea que ta detrás de la plataforma dixital 'Pravia ayuda'. Una páxina web qu'axunta a 28 establecimientos pravianos, zarraos dempués de les midíes decretaes pol estáu d'alarma.

Va menos d'una selmana qu'esta iniciativa ta en marcha, y son munchos los veceros que yá entamaron a mercar los bonos que canxearán, cuando los negocios reabran. Un impulsu económicu p'autónomos y pequeñes empreses.

'Pravia ayuda' ta dirixida a toos, pero sobre manera a aquellos que tuvieron que zarrar pero siguen faciendo frente a los gastos propios del so negociu.