Delia Losa afirma que ye imposible una descarbonización esprés

Asegura que la FSA ta nun momentu "perbonu"

La Delegada del Gobiernu n'Asturies, Delia Losa, afirma que ye imposible una descarbonización esprés y ta convencida de que Pedro Sánchez atenderá les reivindicaciones que-y lleguen dende Asturies.

Nuna entrevista a TPA Noticies, Delia Losa resta importancia a les primeress declaraciones que fizo la ministra de Transición Ecolóxica, Teresa Ribera, sobre'l fin del carbón. Un primer mensaxe que nun se correspuende, diz, cola realidá de lo que tien que pasar.

Asegura tamién que la FSA ta nun momentu "perbonu", depués d'unos años nel que'l partíu taba "cansáu" y reconoz que dende'l so nuevu cargu malapenes tien contactu col Presidente del Principáu, Javier Fernández.

Nel comité federal del PSOE celebráu'l 1 d'ochobre de 2016, la Federación Socialista Asturiana dividióse en dos; los partidarios de la continuidá de Pedro Sánchez, y los que apostabes pol cambiu. Delia Losa taba ente los primeros escontra del criteriu de Javier Fernández, qu'acabó asumiendo la xestora del partíu.

Güei como Delegada del Gobiernu n'Asturies, les sos rellaciones col Presidente del Principáj, asegura, son de respetu. Pal nuevu secretariu xeneral del partíu, p'Adrián Barbón, Losa namás tien eloxos y confía en que bien llueu cicatricen les mancadures internes.

De cara a la ellaboración de les candidatures electorales, ta convencida de que, amás de renovación, habrá sitiu pa dellos de los qu'agora tán en cargos de responsabilidá.