Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
RTPA - Radiotelevisión del Principado de Asturias
Fuente: RTPA, 4 de xunetu. 2022 20:25

Accem pide a la Xunión Europea que facilite les víes llegales pa la llegada de refuxaos

El responsable de Aceem en Asturias, Javier Mahía, en TPA Noticias Matinal
Accem pide a la Xunión Europea que facilite les víes llegales pa la llegada de refuxaos

La organización cumple 30 años n'Asturies


La ONG Accem cumple 30 años n’Asturies. Nestes tres décades la organización ​notó una evolución positiva na acoyida de refuxaos, más conciencia social y voluntá política.

Nuna entrevista en TPA Noticies Matinal, el responsable d’Aceem n’Asturies, Javier Mahía, pide dar un pasu más y solicita a la Xunión Europea que facilite les víes llegales pa la llegada de refuxaos. D’esta manera evitaríase la vulneración de derechos humanos, como nel casu de los asaltos a la valla en Melilla.

Accem atendió en 30 años a 10.200 persones estranxeres y a unes 2.500 persones que solicitaron protección internacional. Persones venceyaes a países en conflictu, como Venezuela, Cuba, Siria, Afganistán y actualmente Ucraína. Enagora Accem acueye a 320 persones n’Asturies.

Accem alerta que les guerres medren y que tamién lo faen les desigualdaes sociales, la persecución ideolóxica, sexu o relixón o la situación climática, que fai que medre’l númberu de persones refuxaes nel mundu.

banner publicidad

© 2024 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL