El contratu tipu n'Asturies: temporal, inferior a una selmana y de muyer

UXT propón la derogación de la reforma llaboral y el refuerzu de la inspección de trabayu

El contratu llaboral tipu nel Principáu ye temporal, d’una duración inferior a una selmana y con nome de muyer, según un informe presentáu esti llunes por UXT d’Asturies que, anque afita cierta recuperación, propón ente otres midíes la derogación de la reforma llaboral y el refuerzu de la inspección de trabayu.

El secretariu xeneral de la organización sindical, Javier Fernández Lanero, asina lo manifestó na rueda de prensa na que tamién reivindicó l’apuesta pola FP Dual con contratu y la puesta en marcha d’un plan de choque de trabayu xuvenil aprovechando la llegada de recursos de fondos europeos.

Ente les cifres recoyíes nel informe, destaca que nueve de cada 10 contratos son temporales, el 43% d’ellos duren menos d’un mes, sobre manera nel colectivu de les muyeres.​