Xixón cuenta con un nuevu sistema de xestión de la movilidá urbana

El sistema dexa una meyor xestión del tráficu rodáu

Xixón cuenta con un nuevu sistema de xestión de la movilidá urbana. Al traviés de la recepción y análisis de datos como la condensación del tráficu o’l nivel de contaminación, el sistema dexa una meyor xestión del tráficu rodáu.

Esti sistema yá ta inxertu en grandes ciudaes como Madrid, Barcelona o Valencia. Al traviés d’unos sensores, la sala de control de tráficu de Xixón monitoriza datos en tiempu real, al rodiu de la densidá de tráficu y los niveles de contaminación. Estos datos dexen una regulación afayadiza de la rede semafórica.

El sistema va más p’allá d’un instrumentu de xestión de la movilidá y concíbese como una ferramienta más nel control de les emisiones contaminantes na ciudá.

La interoperabilidá coles demás plataformes urbanes de Xixón ye otra de les ventayes que conlleva l’inxerimientu d’este sistema.