Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
RTPA - Radiotelevisión del Principado de Asturias
Fuente: RTPA, 5 de xineru. 2021 21:31

Jose María Campa, gallegu de nacencia, xixonés d’adopción

EL hostelero Jose María Campa
Jose María Campa, gallegu de nacencia, xixonés d’adopción

Fundador d’A Caldeira, unu de los restauranes más populares de Xixón

A Jose María Campa présta-y dicir con gracia que tuvo a un centímetru de nacer asturianu. Ye natural de Negueira de Muñiz, conceyu lucense arrodiáu polos conceyos asturianos de Grandas y Ibias. Con 17 años decidió entamar la so aventura xixonesa.

Trabayó vendiendo llexía, nuna carpintería y entamó los sos primeros pasos nel mundu de la hostelería. La so vida camudó un día de 1985, cuando s’alcontró con una panera en La Campa Torres.

Esa panera convertiríase nel xerme d’A Caldeira, un restaurán qu’anguaño afítase nuna finca de 20.000 metros cuadraos y tien una capacidá para dar de comer a 800 persones.

P’alcontrar el llugar más emblemáticu del local, hai que volver a l’antigua panera. Ellí sigue la 'mesa 12'.

A los sos 70 años, Jose lleva yá cinco xubiláu. Una xubilación feliz porque la salú nun falta y el negociu quedó en bones manes, les de la so fía Lidia.

banner publicidad

© 2024 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL