Protesta escontra la venta de la casa rectoral en Coya

Los vecinos refuguen la venta del inmueble por parte del Arzobispáu

En Piloña, un centenar de vecinos de Coya protestó güei escontra la venta de la casa rectoral.

Refuguen la venta del inmueble por parte del Arzobispáu porque, según espliquen, ellos paguen el so caltenimientu y dempués de la Guerra Civil tamién sufragaron la so reconstrucción. Apocayá repararon el teyáu y les ventanes, amás de da-y un usu social.

Según la so versión, l'Arzobispáu comprometiérase a arrendar la vivienda a una familia necesitada del pueblu y cuando taben acondicionándola pa entrar a vivir echáronse atrás pa ponela a la venta.