Aula pa meyorar les posibilidaes de trabayu de la mocedá xitano

La Fundación Secretariáu Xitanu organiza l’Aula de Graduáu en Secundaria

Ta a piques d’acabar el primer mes de l’Aula de Graduáu en Secundaria qu’entama la Fundación Secretariáu Xitanu. El 74% de la mocedá qu’atendió esta organización nel so principal programa de trabayu nun acabare la ESO y con esta aula quier dase’l primer pasu pa que la mocedá xitano meyore les sos posibilidaes d’algamar un trabayu.

La Fundación Secretariáu Xitanu insiste a tolos que van a los sos programes de trabayu nun mensaxe que consiste na trescendencia d’acabar la Educación Secundaria Obligatoria y ye que, anque se ven meyoríes, entovía ente la población xitano sigue habiendo un abandonu prematuru del sistema educativu.

L’Aula de Graduáu en Secundaria qu’entamó esti mes acabará en xunu. Ye formación a distancia pero con una tutoria presencial cola que se-yos da también un soporte motivacional.

El Gobiernu d’España, la Xunión Europea y la fundación La Caixa financien les aules qu’entamaron esti mes en toa España coordinaes pola Fundación Secretariáu Xitanu.