Entama en Cangues d'Onís el I Foru Internacional d'Ecoturismu

Debate, análisis y intercambéu d'esperiencies en turismu caltenible

Entama en Cangues d’Onís el I Foru Internacional d’Ecoturismu. Un eventu, el primeru d’esti tipu n’España, que convertirá al Principáu nun destín de referencia pal debate, l’análisis y l’intercambéu d'esperiencies en turismu caltenible.

Instituciones, entidaes privaes o público-privaes y movimientos asociativos afondarán sobre les diferentes actividaes d’ecoturismu, el so impactu nel mediu ambiente, asina como les estratexes y les canales de comercialización del productu.

Tamién s’analizarán les esperiencies d’éxitu a nivel nacional y internacional. En xeneral debatiráse, sobre manera, de lo que cinca al turismu caltenible.

Un alcuentru qu’acueye’l Parador Nacional de Cangues d’Onís y nel que participará’l vicepresidente de la Xunión Británica de Ornitólogos y representantes d’axencies internacionales especializaes del Reinu Xuníu, Francia y Alemaña ente otros.

L’oxetivu ye afitar n’Asturies un sistema metódicu que dexe la so meyora de siguío, diversifique la ufierta, desestacionalice la demanda y afite a la comunidá como referente nesti segmentu.

Como colofón, p’algamar esta meta, formaráse una mesa de trabayu que sedrá la encargada de facer la futura fueya de ruta del ecoturismu n’Asturies.