Concentración de Vox pa pidir una rectificación del treslláu de la Escuela de Mines d'Uviéu

Vox pide a Barbón a qu'impida'l treslláu de la escuela a Mieres

La portavoz de Vox nel Ayuntamientu d’Uviéu, Cristina Coto, pidió esti miércoles al presidente del Principáu que faga cambiar la decisión del rector de la Universidá asturiana, Ignacio Villaverde, de treslladar la Escuela de Mines a Mieres.

Coto, que participó esti mediudía nuna concentración entamada pol so partíu en defensa de la continuidá de la Escuela de Mines na ciudá, acompañada del diputáu nacional de Vox por Asturies, José María Figaredo, y d’otros cargos orgánicos, afiliaos y simpatizantes, criticó al PP y a Ciudadanos por nun sofitar a la so formación nel pasáu plenu nuna moción pa pidir Barbón "que rectifique’l treslláu de Mines”.

“Tamos énte un nuevu pasu del socialismu pal esmantelamientu de la capitalidá d’Uviéu nuna operación política de llibru. Nun hubo diálogu, nun se sintió a naide, nin al alumnáu, nin a los responsables del Centru, nin a la infinita comunidá d’espertos que considera’l treslláu de Mines un error históricu; a la escontra, hubo presiones intolerables sobre la Escuela”, solliña.