Cortada al tráficu la carretera d'accesu a la localidá pongueta de Vibuli

Un argayu de piedres torga dafechu'l pasu de los vehículos

Un monumental montón de piedres caltién cortada dafechu la carretera d'accesu a Vibuli, que cunta con cinco vecinos.

L'argayu diose cuando gran parte d'una muria de roca colapsó y cayó na tarde d'ayeri.

Afortunadamente nenguna persona, nin nengún vehículu, se vieron afectaos.

Dende'l Conceyu de Ponga yá s'empezó a trabayar pa llimpiar la carretera de roques.

La carretera de Vibuli, de malapenes tres metros d'anchu al dir per un garganta, naz na ponte La Güeca, nel Desfiladeru los Beyos.​