Dos de cada 10 estudiantes de la Universidá d'Uviéu sufre estrés

El mieu a falar en públicu y la xestión que faen de la carga del trabayu, principales causes

Unu de cada cinco estudiantes de la Universidá d'Uviéu sufre trestornos d'ansiedá y/o depresión, según s'afita nun estudiu sobre les principales causes del estrés ente universitarios qu'identifica como los dos principales el mieu a falar en públicu y la xestión que faen de la carga del trabayu académicu como principales causes.

El trabayu, asoleyáu na revista Psicothema y promovíu por Concepción Fernández-Rodríguez, Tamara Soto-López y Marcelino Cuesta, profesoráu de la Facultá de Psicoloxía, evaluó tanto la presencia y severidá del malestar académicu y emocional como les demandes específiques d'atención psicolóxica.

Na investigación participaron más de 700 estudiantes de segundu cursu de graos de toles rames de conocencia y les sos respuestes son estrapolables al conxuntu de la población universitaria d'ingresu recién.