El Principáu convocará 506 places de profesoráu de Secundaria y FP en 2020

Carmen Suárez diz qu'unu de los retos pasa por amenorgar al rodiu del 8% de la tasa d'interinidá

El Gobiernu asturianu sacará l'añu qu'entra a oposición 506 places de profesor d'Educación Secundaria, Formación Profesional (FP) y otres enseñances en 2020, de les que 392 sedrán places por tasa de reposición y 114, por estabilización.

Asina lo afirmó la conseyera d'Educación, Carmen Suárez, en comisión parllamentaria na que presentó les llinies xenerales de la so conseyería de cara a esta llexislatura.

La conseyera afirmó qu'unu de los retos de la so conseyería pasa por amenorgar al rodiu del 8% de la tasa d'interinidá docente na rede de centros públicos, qu'anguaño ronda'l 30%, mediante convocatories de trabayu públicu añales.

Según afitó, les oposiciones de 2020 incluyirán 392 places correspondientes a la tasa de reposición y 114 más del procedimientu d'afitamientu, a les que s'amestarán los puestos de promoción interna y les places de catedráticos de secundaria.

La conseyera apostó por dar una atención preferente a la escuela rural y al so profesoráu, revisar el procesu d'axudicación y algamar que les tomes de posesión seyan más áxiles.