El sector del camping n'Asturies vive un momentu dulce

Les estancies del turismu rural asturianu caen un 63% en xunu

El camping n'Asturies vive un momentu dulce. Pudo comprobalo esta mañana la viceconseyera de Turismu, Graciela Blanco, quien visitó dos d'estos establecimientos nel oriente asturianu: el camping Villaviciosa y el camping Picos d'Europa, en Cabrales.​

El mes de xunetu ta siendo mui bonu pal sector y esperen que se caltenga l'enclín nel mes d'agostu.​

Les estancies del turismu rural asturianu caen un 63 % en xunu

Les nueches nos agospiamientos de turismu rural d'Asturies cayeron en xunu un 63 por cientu respecto al mesmu mes del añu pasáu, hasta 28.078, según los datos asoleyaos esti xueves pol Institutu Nacional d'Estadística (INE).

El númberu de viaxeros llega a 11.541, un 62,4 por cientu menos qu'en xunu de 2019, y d'esi total namás 150 yeren estranxeros, frente a los más de 3.900 de va un añu.

En tol país, les nueches n'agospiamientos turísticos estrahoteleros cayeron un 84,6% en xunu con respectoa al mesmu mes de 2019, dende 12,8 millones a 1,97 millones, pero los campings y cases rurales aguantaron meyor, porque nellos el descensu foi 20 puntos menor que n'apartamentos y albergues.