Estudiantes d'Economía y Empresa participen nos 'Almuerzos emprendedores'

Amcuentru con persones que crearon les sos empreses o que llevaron alantre proyectos anovadores​

La Facultá d’Economía y Empresa de la Universidá d’Uviéu celebró esta mañana’l primeru de los sos 'Almuerzos emprendedores'. Nestos alcuentros participen alumnos y alumnes de la facultá y persones que crearon les sos propias empreses o que llevaron alantre proyectos anovadores.

Güei falaron col creador d’una aplicación pa que les empreses formen a los sos trabayadores y cola inventora d’unes gafes de realidá virtual, pa entrenar la capacidá de falar en públicu.

Dalgunos de los alumnos y alumnes tienen yá mui claro cómo sedrá’l so proyectu emprendedor y pa resolver les duldes que-yos queden, participen nesti almuerzu con persones que yá vivieron esa aventura. Dende la facultá apuesten por estes charres pa fomentar la curiosidá nel alumnáu, siempres dende una perspectiva realista.

Pa llegar al mayor númberu d’alumnes y alumnos posible y conocer a diferentes emprendedores, los almuerzos celebraránse una vegasa al mes.