Muerre'l músicu asturianu Elías García

L'artista foi unu de los fundadores de 'Llan de Cubel'

El músicu asturianu Elías García, fundador y integrante del grupu de folk 'Llan de Cubel', morrió esti sábadu.

L'artista collaboró los últimos años colos principales grupos y artistes de la escena folk asturiana, ente ellos, Felpeyu o Tuenda.

Amás, foi profesor na Escuela de Música y Danza Popular de Noreña y dende los años noventa una referencia col vigulín, enantes d'introducir na música asturiana'l bouzoki, un instrumentu orixinariu de Grecia.

Nun comunicáu, Iniciativa pol Asturianu llamentó la muerte d'un artista que siempres tuvo "comprometíu" cola llingua y cultura asturiana.