Xixón y Mieres amiéstense a los pieslles perimetrales dende\'l domingu

Siete de cada 10 habitantes d\'Asturies yá tarán afectaos polos confinamientos municipales

El Gobiernu del Principáu dio anuncia esti xueves de la entrada nel nivel de riesgu estremu pola alta incidencia del COVID-19 de los conceyos de Xixón y Mieres, que quedarán zarraos perimetralmente 14 díes dende’l domingu, colo que cuasi siete de cada 10 habitantes d’Asturies yá tarán afectaos polos confinamientos municipales.

La Conseyería de Salú notificó esti xueves telefónicamente a los responsables de los conceyos de Xixón y Mieres que la incidencia de la pandemia asitiábalos en riesgu estremu y que los técnicos de Salú Pública aconceyaríen mañana con ellos pa esplica-yos la situación y les midíes que se tomarán nos sos conceyos.​