Homenaxe a Florencio López Villamil, fundador del CRA Tapia-Castropol

El centru foi’l primeru del occidente d’Asturies en dar una educación laica al so alumnáu

As Figueiras, nel conceyu de Castropol, saldó una delda histórica con unu de los sos benefactores, Florencio López Villamil, natural del pueblu y emigrante a Uruguái, onde fizo fortuna.

Fízolo col descubrimientu d’una placa na escuela que lleva’l nome de la so Fundación y qu’esti añu celebra, amás, el centenariu del entamu de la so xera educativa.

Un centru que foi’l primeru del occidente d’Asturies en dar una educación laica al so alumnáu.

Un total de 18.000 pesetes de 1913 costó la construcción d’esti inmueble que güei forma parte del CRA Tapia-Castropol y nel que reciben clase 17 neñes y neños.