Incatur y Fade creen una Mesa del Plan d'Entrada a Los Llagos

L'oxetivu ye formalizar un foru de consensu con participación de tolos axentes implicaos

Incatur y FADE dieron anuncia de la constitución de la Mesa del Plan d’Entrada a Los Llagos col envís de formalizar un foru de consensu con participación de tolos axentes implicaos. Confirmáronlo esta mañana en Cangues d’Onís el presidente d’Incatur y el director xeneral de FADE.

Conviden al Principáu, al Parque Nacional de Los Picos d’Europa y al Ayuntamientu de Cangues d’Onís a formar parte de la mesa.

El pidimientu llega dempués d’una Selmana Santa na que l’alministración asturiana, de forma unillateral, decidió suspender el plan de tresporte y zarró la carretera, una decisión que causó perxuicios a la economía local.