Iván Suárez, 25 años liderando'l movimientu vecinal en Viesques

Defínenlu con cariñu como 'el guardián de Viesques'

A piques de cumplir 25 años liderando’l movimientu vecinal del barriu xixonés de Viesques, Iván Suárez pudo entregar el testigu, anque asegura que nun se desvenceyará dafechu, polo menos enagora.

Nació en Salas en 1947 y yera’l penúltimu de 10 hermanos. Tolos hermanos heredaron el calter sociable de so padre, ebanista al que toos ayudaben bien por voluntá o castigu, anque Iván Suárez nun heredó esi oficiu y foi dando otros pasos que lu llevaríen a afitase en Xixón.

Yá prexubiláu d’Arcelor, con tiempu pa la reflexón, Iván Suárez analiza cuàla foi la clave pa ser ún de los más veteranos líderes vecinales del conceyu. Foi presidente de l’Asociación de Vecinos de Viesques dende pocos meses dempués de la so fundación en 1995.

Yera otra dómina anque daquella y agora, enfatiza, el motor del cambéu son les faltes a superar. Exemplu ye’l barriu nel que vive dende va tres décades y col que la so implicación siempres foi tal, qu’equí lu llamen con cariñu "el guardián de Viesques".

Amante de la gastronomía, el senderismu, los viaxes y la cultura, Iván Suárez dexa atrás cuasi un cuartu de sieglu como líder vecinal cola esperanza de que’l relevu lluche por atrayer servicios como una biblioteca y por pidir, pide, un centru municipal integral.