L'Ambulancia del Deséu llega a Asturies

Busca faer más llevadera la enfermedá a crónicos o persones con problemes de movilidá

L'Ambulancia del Deséu nació nel añu 2007 de la mano d'un conductor d'ambulancies holandés. El so oxetivu ye faer realidá los deseos d'enfermos crónicos o con problemes de movilidá y trabaya en 15 países. Murcia yera hasta agora la so primer esperiencia n'España pero dende güei, Asturies va ser la sede pa tol norte del país.

Un total de 30 técnicos de Transinsa y otros 20 del ámbitu sanitariu recibieron yá formación pa poder llevar alantre como voluntarios un proyectu que, va dos años, yá cumplió los deseos d'un paciente asturianu.

Los pidimientos van facese al traviés d'una páxina web y un comité d'espertos va evaluar y va decidir cuálos se puen llevar alantre.

Dende la Fundación Ambulancia del Deséu 

aclaren que nun se trata de cumplir últimes voluntaes, si non d'ayudar a faer más llevadera la enfermedá de pacientes d'hospitales y residencies.