La Fiscalía investiga la muerte d\'un home con COVID-19 nuna residencia de L.lena  

La denuncia púnxola la selmana pasada un familiar del fináu

La Fiscalía d’Asturies tien abierta una investigación pola muerte por COVID-19 d’un home, residente nun xeriátricu de L.lena. Según pudo saber TPA Noticies, la denuncia púnxola la selmana pasada un familiar del fináu. 

Nella, pídese que s’investigue si hubo dalguna irregularidá nel contaxu y muerte d’esti home, que finó n’avientu de 2020 por mor del COVID-19. El Ministeriu Públicu nomó yá un fiscal instructor, qu’entamó a practicar dilixencies y a solicitar documentación.  

Hasta agora, toles denuncies que se presentaron n’Asturies escontra residencies fueron archivaes.