La Universidá d'Uviéu considera segures les clases presenciales

La Escuela Politécnica d'Inxeniería de Xixón pasa a la manera virtual

La Universidá d'Uviéu considera segures les clases presenciales, según asoleyó esta mañana na so páxina web. Nun comunicáu, l'equipu rectoral apunta que nun se refuga cualquier refuerzu de la seguridá nos centros o'l pasu a la docencia virtual siempres que seya posible.

Precisamente los 3.000 alumnos de la Escuela Politécnica d'Inxeniería de Xixón reciben clases telemátiques dende güei. Solo van al campus los estudiantes con práctiques programaes.

Esti llunes la escuela va analizar l'asuntu en comisión de Gobiernu p'amenorgar les práctiques nel centru, aquelles pa les que resulta imprescindible l'usu d'equipos de la universidá.

Tamién van tocar la evaluación online y los criterios pa volver a la presencialidá, la salida de la Fase 2 y la evolución interna del centru.