La sienda a Playa España

Paisaxe bien trupu, perfectu pa desconectar, a pocos minutos de zones urbanes

En Villaviciosa, güei visitamos Quintes, na so vertiente más occidental. Un llugar chiscáu de cases rehabilitaes respetando les construcciones antigües de piedra, con antigües caseríes y llagares.

Precisamente al llau d'unu empieza la ruta de Playa España, qu'amás ye cenciella pa los más pequeños.

Dende l'asociación vecinal presentaron un proyectu al conceyu pa meyorar la so señalización. Ye un paisaxe bien trupu, perfectu pa desconectar, a pocos minutos de zones urbanes.

Tamién tien la so hestoria. Nunu de los tramos hai una cantera de la que salió piedra pa la universidá llaboral.

Parte de la sienda pasa  pela carretera a la sablera, onde los vecinos quieren asitiar bolardos pa que seya más segura.