Les acuareles de los árboles más vieyos d’España de Fernando Fueyo dende güei nel Botánicu

Los retratos de la fauna asturiana d’Antonio Vázquez amuésense tamién nestes xornaes de divulgación de la natura

Les acuareles de Fernando Fueyo de los árboles más vieyos d’España inauguren güei les xornaes de divulgación y defensa de la natura nel Xardín Botánicu de Xixón.

L’acuarelista sedrá amás reconocíu nel Xardín col primer Premiu Alfredo Noval esti domingu pol so llabor medioambiental.

L’amuesa, asitiada na carbayeda, podrá visitase tol branu.

Los retratos de la fauna asturiana d’Antonio Vázquez amuésense nel Botánicu

Coles acuareles de Fueyo conviven les semeyes del llangreanu Antonio Vázquez. Son de fauna asturiana que se mimetiza col entornu. Podrán visitase hasta’l final del branu.

L’amuesa, que tien la singularidá d’alcontrase nun monumentu natural, ye una de les actividaes propuestes nestes Xornaes de divulgación y defensa de la natura n’Asturies.