DDR Vessels tien como misión reciclar y descontaminar los componentes perecederos de los barcos

La compañía asturiana entama güei la so actividá con un buque noruegu

Un buque de 72 metros d'eslora y de procedencia noruega va ser l'encargáu d'inaugurar la planta de desmantelación que la compañía DDR Vessels tien en Xixón. L’Aquila Explorer yá ta atracáu n'El Musel, a la espera de qu’entamen los trabayos empobinaos a desmontar y reciclar los componentes de la nave.

La planta arranca güei la so actividá cola recepción d'esti primer buque, del que se prevé recuperar más d'un millón y mediu de fierro y aceru. Un material que va poder reintegrarse nes cadenes de producción de les industries siderúrxiques españoles.

La de Xixón ye la única planta autorizada n'España pa llevar alantre’l desmantelamientu d'embarcaciones de más de 500 tonelaes brutes.

DDR espera desmantelar de cuatro a seis grandes buques cada añu na so planta de Xixón, y otres embarcaciones de menor tamañu. Cada proyectu podría xenerar de 12 a 18 puestos de trabayu.