Los accidentes llaborales mortales triplíquense n'Asturies hasta setiembre

El Principáu rexistró 16 accidentes llaborales mortales

Asturies rexistró ente xineru y setiembre 16 accidentes llaborales mortales, más del triple que nos nueve primeros meses del añu pasáu, cuando se contabilizaron cinco, según los datos asoleyaos pola Sociedá Asturiana d'Estudios Económicos y Industriales (Sadei).

Esta medría de los accidentes mortales diose a pesar de que'l númberu d'accidentes llaborales con baxa amenorgaron nun 24,2%, hasta 6.877, por mor, en bona parte, del amenorgamientu de l'actividá nel estáu d'alarma.

El númberu d'accidentes leves baxó tamién un 24,2%, hasta 6.887, y el de los graves baxó un 33,3 por cientu, al pasar de 63 a 42, mientres que los mortales pasaron de cinco a 16.