Los docentes esixen más recursos pa facilitar la vuelta a les aules

Celestino Rodríguez considera que la educación foi la gran escaecida

Unos 3.000 alumnos de 4º de la ESO y 2º de Bachilleratu volverán mañana a les aules dempués de cuasi cuatro meses ensin clases presenciales. Fadránlo en 70 centros escolares.

La vuelta sedrá voluntaria y tendrán que respetase les midíes preventives como la distancia de seguridá, que tuvieron preparándose dende va díes.

El decanu de la Facultá d'Educación de la Universidá d'Uviéu, Celestino Rodríguez, considera que fai falta dotar al sistema educativu de más recursos pa facilitar la vuelta a les aules, yá seya presencial o semipresencial.

Nuna entrevista a TPA Noticies Matinal, considera que la educación foi la gran escaecida polos socesivos gobiernos y ye'l momentu, asegura, de dase cuenta.

Opina que ye fundamental que los alumnos de bachilleratu que tienen qu'enfrentase a la EBAU vuelvan enantes a les clases.

El decanu caltién qu'una de les enseñances del confinamientu ye que la educación tamién ye un actu social, que necesita contactu nel aula ente alumnos y profesores.