Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
RTPA - Radiotelevisión del Principado de Asturias
Fuente: RTPA, 26 de xineru. 2021 13:45

Los pacientes COVID ocupen el 25% de les cames UCI de los hospitales asturianos

Pacientes hospitalizados por COVID-19 en Asturias
Los pacientes COVID ocupen el 25% de les cames UCI de los hospitales asturianos

El Principáu tien cerca de mediu millar de pacientes ingresaos por COVID-19

El númberu de finaos por coronavirus medró na última selmana, con una media d’ocho muertes caldía dende’l 16 de xineru pasáu. Nuna semana, 65 persones finaron por mor del virus. Toes mayores de 65 años. Hai que remontase a mediaos d’avientu p’alcontrar cifres de mortalidá asemeyaes.

Los ingresos hospitalarios tamién medraron. Según los datos del Observatoriu de Salú, nuna semana, medró en cuasi un 67% el númberu de pacientes hospitalizaos por COVID-19 en planta. Pasóse de los 247 qu’había’l 16 de xineru a los 412 del día 23. Menor medría hubo nes UCI, onde anguaño hai 68 pacientes frente a los 62 de va una selmana.

La incidencia de casos positivos sigue la so xuba. Esmolez, sobre manera, el datu venceyáu a los mayores de 65 años, onde la incidencia a catorce díes pasó de los 264 casos por cien mil habitantes a los 419. Cuasi un 60% más.

Ocupación de cames UCI

N’Asturies de les 273 cames con respiradores disponibles, anguaño tán ocupaes más del 38% Daqué más d’un 25 por cientu son pacientes COVID-19.

La xuba de contaxos nos últimos díes entá nun supón una alta presión nes UCI, pero los profesionales sanitarios alvierten que nun hai que baxar la guardia, porque la situación pue camudar en cuestión de díes.

N’Asturies según l’últimu balance, hai 68 pacientes con COVID-19 nes unidaes de cuidaos intensivos. Nel HUCA, según fontes del hospital, la UCI ta a un terciu de la so capacidá. Tienen un centenar de cames, y esta mañana había 33 pacientes COVID-19 ingresaos. Les UCI adicionales que s’instalaron nel ximnasiu y cerca del helipuertu, siguen zarraes. En planta hai 125 hospitalizaos.

Nel hospital de Cabueñes, la UCI COVID-19​ presenta una ocupación asemeyada. Esta mañana había cuatro cames ocupaes, de les 12 disponibles. La UCI convencional ta enllena. Esmolez, eso sí, la medría de les hospitalizaciones, poro, abrieron una nueva planta pa positivos y sospechosos. Güei tienen 75 ingresaos, frente a los 52 qu’había’l vienres.

banner publicidad

© 2024 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL