Los primeros estudios amuesen que la pandemia nun aumentó los suicidios

N'España suicídense cada día diez persones

La pandemia nun fixo qu'aumentaren los suicidios. Eso amuesen, polo menos, los primeros estudios sobre'l tema, entá curtios y sobro los primeros meses de la crisis sanitaria.

Reflexen que nun hai más suicidios pola pandemia, pero sí qu'aumenta'l pensamientu en suicidios. Asina lo asoleya un estudiu en 21 países na revista 'The Lancet'.

Nuna entrevista en TPA Noticies Matinal, la psicóloga de la Universidá d'Uviéu, Susana Alhabi, esplicó que n'España suicídense cada día diez persones.

Alhabi recuerda que la muerte por suicidios ye previsible y qu'hai que tratala informando y escuchando. Sobro los datos qu'asitien a Asturies a la cabeza nel índiz de suicidios, refuga que puean atribuyise al clima.