Maraea, xoyes artesanales con perlles de Tahití

Paula y Sara Santos trabayen a mano con muncha paciencia

Paula Santos foi un día a Australia ensin billete de vuelta, pero visitando la Polinesia Francesa​​ onde se namoró d'un pequeñu paraísu, Tahití. Per siete años trabayó nuna granxa de perlles na islla, escoyendo les meyores y diseñando xoyes. Un trabayu que la dexó namorase d'una forma de vida y afayar el trabayu artesanal, esi que güei pasa por ser la so gran pasión.

Dende'l so paraísu unviába-y xoyes a la so hermana, a Sara Santos y ehí empezó a forxase un suañu que güei ye realidá. El destín ye sabiu y xunió de nuevo a estes dos hermanes en Tapia.

Impulsen dende fai daqué más d'un añu'l proyectu Maraea, una empresa de fabricación de xoyes feches con eses perlles que Paula conoció tan bien. Polo qu'esa mesma granxa onde trabayó ye la qu'agora-yos suministra un elementu delicáu, que trabayen a mano con muncha paciencia.

Reciben munchos encargos y de tolos tipos. Dependiendo del tipu de perlla, les xoyes qu'ellaboren estes dos hermanes tán al algame de cualesquier. Pue regalase un poco de Tahití dende 20 euros, pero hailes tamién que puen superar los 800 euros.

La hestoria de Paula y Sara ye la hestoria d'un suañu cumplíu, un suañu que xunió la perlla de Tahití.