Marcha reivindicativa en Xixón de les persones con parálisis cerebral

Fedeaspace pide igualdá, respetu y más sofitu

Igualdá, respetu y más sofitu ye lo que reivindica Fedeaspace, la Federación Asturiana d'Organizaciones d'Atención a Persones con Parálisis Cerebral.

Güei entamaron, con esti fin, la Primer Marcha Popular en Xixón. Una iniciativa qu'amiesten a les entamaes pal domingu, Día Mundial de la Parálisis Cerebral.

Reivindiquen el so derechu a decidir; a poder espresase. Otres reivindicaciones: igualdá real énte la llei, o reforma de les incapacitaciones xudiciales.

Piden más sofitu pa tratar les sos torgues de movimientu, cognitives, o de llinguaxe derivaes d'una mancadura orixinada, cuasi siempre, nel embaranzu o'l partu.

La Marcha Popular ye una iniciativa que s'amiesta a 'Dale la vuelta'; la campaña a nivel nacional de la Confederación Aspace. Un mou de poner al descubiertu l'incumplimientu de los sos derechos dende otru enfoque.