Mediu Ambiente vixila los niveles d'ozonu en dellos puntos d'Asturies

Espertos analicen la fotocatálisis como métodu p'amenorgar la contaminación

L'alerta saltó nel Principáu al detectase altos niveles de contaminación d'ozonu. Dende'l llunes, el bon tiempu ta disparando los datos rexistraos nos mididores.

El llunes, n'Uviéu, llegó a recoyese hasta 196 microgramos per metru cúbicu nes hores centrales del día. Pel momentu, Mediu Ambiente ta a la espera de la información validada polos técnicos responsables de la calidá del aire.

Sobre l'aplicación de nueves tecnoloxíes pa menguar la contaminación fálase güei n'Uviéu onde s'esplica y analiza la fotocatálisis.

Ye un procesu químicu qu'aprovecha la reacción solar p'amenorgar sustancies contaminantes o insalubres, nuna tecnoloxía que s'aplica con pintura, por exemplu, en fachaes, ceres, cubiertes o lones nos edificios.

Dellos conceyos yá apliquen estes técniques p'amenorgar la contaminación, ye'l casu de Barcelona que yá la inclúi como obligatoria en delles obres, o Madrid.

Por exemplu, 20 metros cuadraos de fachada fotocatalizada desanicia la emisión añal equivalente a un coche diesel que percuerre 25.000 kilómetros al añu.

Los espertos destaquen que n'Asturies dexaríen amenorgar la contaminación por bencenu hasta un 40% en llugares como Trubia.