Toles sableres d'Asturies van tener usu llibre, públicu y gratuitu

Los usuarios tendrán que respetar la distancia de seguridá afitada

L'usu de toles sableres d'Asturies va ser llibre, públicu y gratuitu pa los usos comunes y acordies cola so naturaleza y conforme a les normes adoptaes poles autoridaes sanitaries, según l'alcuerdu qu'algamaron esti llunes los 19 conceyos costeros de la rexón, que van pidir al Executivu autonómicu y central un fondu estraordinariu pa caltener los arenales.

Al traviés de bandos municipales van recordar tamién a los usuarios que tendrán que respetar la distancia de seguridá afitada tanto nos accesos como nel mesmu arenal y que va ser esixente l'empléu de mázcaros si nun s'asegura'l distanciamientu interpersonal de la normativa aplicable en cada momentu.

Estes directrices xenerales fueron oxetu d'análisis na xunta telemática que celebraron güei los conceyos con mar p'analizar la normativa aprobada'l sábadu na que s'autoriza'l tránsitu, la permanencia y les actividaes deportives nes sableres.