Trabanco, Pellets Asturias y Lácteas Monteverde, premios Industria 4.0

Los galardones pretenden fomentar el desendolcu tecnolóxicu

La segunda edición de los Premios Industria 4.0., iniciativa a comuña de CTIC y Caxa Rural, reconoció’l trabayu del grupu Trabanco, Lácteas Monteverde, Comercial Agropres y Pellets Asturias.

Los premiaos, fallaos esti martes, entregaránse’l mes de xineru viniente y consistirán nun diploma acreditativu y una estatua diseñada por Francisco Fresno.

La empresa Lácteas Monteverde foi premiada pol inxerimientu de nueves tecnoloxíes, mientres que Comercial Agropres recibió’l premiu pol so compromisu col inxerimientu de tecnoloxía dixital asociada a l’agricultura de precisión nun sector tradicional.

El Grupo Trabanco foi premiáu pol so esfuerzu na modernización tecnolóxica un sector como la sidra y Pellets Asturias pol inxerimientu de sistemes nuna industria na que ye líder nacional na producción d’enerxía anovable pa usu térmicu dende biomasa forestal.