Una atención más humana pa los mayores

La financiación de la dependencia o la unificación del IVA al 4%, principales reivindicaciones

La financiación del Estáu del 50% de les ayudes a la dependencia o la unificación del IVA a la baxa pal que la tenga reconocida son les dos principales reivindicaciones del sector xerontolóxicu n'Asturies.

Asina lo esplicaron güei, n'Uviéu, onde los profesionales d'esti sector celebraron la III Xornada d'Atención Residencial.

Conocer los recursos de les persones mayores y prestar atención a les sos necesidaes, non solo les físiques, son dalgunos de los puntos clave d'esta tercer xornada d'atención residencial que tuvo como protagonista la humanización de l'atención a los mayores como factor clave na calidá de los servicios.

Un día, el de güei, nel que tamién tuvieron el so espaciu reivindicaciones históriques del sector, como la unificación del IVA al 4% o la financiación de la dependencia.

Una xornada entamada pola Asociación de Centros Xeriátricos d'Asturies (Ascexe) na que tamién se trató otra de les dures realidaes, la poca atención y la falta de personal en dalgunos d'estos centros.

Una minoría, dicen dende Ascexe, qu'acaba chiscando un sector qu'abarca más de 2.400 places.

Un alcuentru, a la fin, pa concienciar de les necesidaes d'un sector que, cada añu, medra en númberu y necesidaes.